SBASHK ka vazhduar me organizimin e trajnimeve për mësimdhënësit-anëtar të Sindikatës edhe këtë vikend në Prishtinë dhe Pejë.
Me kërkesë të mësimdhënësve të Prishtinës, për të dytën javë me radhë ka vazhduar trajnimi “Aplikimi i programeve kompjuterike në mësimdhënie” i cili po mbahet në hapësirat e shkollës “Ismail Qemali” në kryeqytet.
Gjatë ditës së dielë, mësimdhënësit të cilët po e ndjekin këtë trajnim i vizitoi koordinatori për organizim të brendshëm në SBASHK, Ymer Ymeri, i cili u kujdes për mbarëvajtjen e trajnimit si dhe u dëshiroi mësimdhënësve arritje sa më të lartë të përvetësimit të njohurive në fushën e prgrameve kompjuterike Word, Excel dhe Power Point, të cilat janë pjesë e modeuleve në këtë trajnim.
Trajnimi i filluar javën e kaluar në Prishtinë po udhëhiqet nga trajneri i përzgjedhur nga SBASHK, Kadri Hyseni, derisa do të vazhdojë të mbahet edhe për dy vikende të ardhshme.
Gjatë vikendit po ashtu ka vazhduar trajnimi në po të njëjtin program për dy grupe të mësimdhënësve në Pejë. Ky trajnim i cili po mbahet paralelisht në dy grupe për mësimdhënësit e Pejës, po udhëhiqet nga trajneri i përzgjedhur nga SBASHK-u, Burim Krasniqi.
