Sindikata e Bashkuar e Arsimit, Shkencës dhe Kulturës, ka thënë se koeficienti prej 105 euro nuk i plotëson pritjet e tyre por sipas tyre, ligji duhet të nis së zbatuari.
Në reagim, SBASHK-u tha se ndonëse koeficienti nuk i plotëson pritjet e tyre, është mundësuar që mbi 90 për qind e anëtarësisë së tyre të kenë një rritje page mesatare rreth 100 euro.
““Ky rangim ka bërë që vlera e koeficientit prej 105 euro, e cila nuk i plotëson pritjet tona por ajo mundëson që mbi 90 për qind e anëtarësisë tonë kanë një rritje page mesatare rreth 100 euro. Të nderuar anëtarë të SBASHK-ut jemi të vetëdijshëm se kjo vlerë e koeficientit nuk plotëson pritjet e as nevojat duke marr parasysh ngritjet e çmimeve por edhe koston e jetesës në përgjithësi, por megjithatë SBASHK-u për momentin mendon që ligji duhet të fillon zbatimin me pagat e muajit shkurt 2023 dhe të metat eventuale të ligjit të përmirësohen gjatë kohës sa është duke u zbatuar ligji”, thuhet në reagimin e SBASHK-ut.
Tutje, SBASHK tha se në këto faza, nuk ka pasur asnjë konsultim me ta për caktimin e vlerës së koeficientit dhe as nuk është kërkuas nga asnjë organ pëqlimi i tyre.
“Pra, SBAShK-u nuk ka ndërmend të dërgoj ankesë te Avokati i Popullit për ta dërguar ligjin në Gjykatën Kushtetuese”, thuhet në reagim, përcjell Reporteri.net.
Ndërsa, reagime në lidhje me vlerën e koeficientit pati nga partitë politike, të cilat thanë se koeficienti prej 105 euro nuk i plotëson nevojat e punëtorëve të sektorit publik.
Tri partitë opozitare, PDK, LDK e AAK lëshuan seancën e kuvendit, si shenjë revolte për vlerën e koeficientit.
