SBASHK-u ka filluar të shtunën me katër grupe të reja të trajnimit në komuna të ndryshme të Kosovës.
Në programin “Aplikimi i programeve kompjuterike në mësimdhënie”, të shtunën filluan dy grupe të trajnimit në Lipjan. “Aplikimi i programeve kompjuterike në mësimdhënie”, moduli i parë, me trajnerin e përcaktuar nga SBASHK, Idriz Sopa dhe moduli i dytë me trajneren Blerona Ahmeti.
Mësimdhënësit dhe mbarëvajtjen e fillimit të trajnimit i vizitoi edhe kryetari i NSKAP-it për Lipjan, Emrush Ahmeti, i cili mësimdhënësve u dëshiroi sukses dhe arritje sa më të larta profesionale.
Në programin e njëjtë, “Aplikimi i programeve kompjuterike në mësimdhënie”, moduli i dytë, filloi edhe një grup i trajnimit në Mitrovicë, me trajnerin e përcaktuar nga SBASHK, Fevzi Selmani. Edhe në Mitrovicë qëndroi kryetari i NSKAP-it për këtë komunë, Isa Ismajli, i cili u kujdes për fillimin e mbarë të trajnimit për grupin e mësimdhënësve të cilin e organizoi SBASHK-u.
Kurse në Rahovec e filloi trajnimin një grup i mësimdhënësve në programin “Aplikimi i programeve kompjuterike në mësimdhënie”, moduli i parë, nën udhëheqjen e trajnerit të përzgjedhur nga SBASHK, Albert Samadraxha.
Grupin e mësimdhënësve që po e ndjekin trajnmin e vizitoi kryetari i NSKAP-it për këtë komunë, Veli Morina, i cili mësimdhënësve u premtoi mbështetje të vazhdueshme nga Sindikata përmes trajnimeve pa pagesë.
SBASHK vazhdon mbështetjen e mësimdhënësve në të gjitha komunat e Kosovës përmes trajnimeve të nevojshme të cilat për anëtarësinë organizohen pa pagesë.
