Në fund të këtij viti shkollor ka nisur një ‘përplasje’ në distancë e SBASHK-ut me Qeverinë, konkretisht kritikat e Sindikatës që drejtohet nga Rrahman Jasharaj në drejtim të ekzekutivit kosovar, shkruan Albanian Education.net.
Sindikata e Bashkuar e Arsimit, Shkencës dhe Kulturës dje pasi uroi qytetarët me rastin e festës së Kurban Bajramit, ndër të tjerash ka porositur Qeverinë që ta ndërrojnë qasjen, sipas tyre të gabuar ndaj sindikatave.
“SBASHK-u edhe sot në ditën e parë të festës së madhe të Kurban Bajramit i drejtohet me mesazh Qeverisë që ta ndryshojë qasjen e gabuar ndaj sindikatave. Të heq mendjemadhësinë po të dëgjojë zërin dhe kërkesat e të punësuarve në sektorin publik. Urojmë që kjo festë e mirësisë dhe e sakrificës të ndikojë te Qeveria që të heq tekat e inatet, ironinë dhe të jetë e të gjithëve”, thuhet në urim.
Ende nuk ka një reagim as nga Ministria e Arsimit, as nga ministrja Arbërie Nagavci, pas akuzave direkte që ju bën nga SBASHK-u. /AlbanianEducation.net/.
