SBASHK organizoi testet për dy grupe të mësimdhënësve të Vitisë dhe një grup të Drenasit, të cilët e përfunduan trajnimin në programin ”Aplikimi i programeve kompjuterike në mësimdhënie”.
Testi në Drenas u mbajt të shtunën nga Sekretari i Përgjithshëm i SBASHK-ut, Ymer Ymeri së bashku me zyrtaren Afërdita Ahmeti. Ndërkohë i pranishëm ishte edhe kryetari i SKAP-it për këtë komunë, Ilaz Dervishi si dhe trajnerja e përzgjedhur nga SBASHK, Arbenita Gashi.
SBASHK të dielën organizoi testin edhe për dy grupe të mësimdhënësve në komunën e Vitisë, të cilët po ashtu e përfunduan me sukses trajnimin në programin ”Aplikimi i programeve kompjuterike në mësimdhënie”.
Testi u administrua nga Sekretari i Përgjithshëm në SBASHK, Ymer Ymeri dhe zyrtari ligjor, Blendor Shatri, kurse i pranishëm ishte edhe kryetari i SKAP-it për Viti, Kemajl Bislimi dhe trajneri Musli Neziri.
