Delegacioni i SBASHK-ut, i përbërë nga Ymer Ymeri, Sekretar i Përgjithshëm, dhe Vjollca Shala, Nënkryetare, po merr pjesë në Tryezën e Mësimit nga Bashkëmoshatarët (Peer Learning Activity) që po mbahet më 15–16 tetor 2025 në Varshavë të Polonisë.
Në këtë veprimtari, që organizohet nga Federata Evropiane e Punëdhënësve të Arsimit (EFEE) dhe Komiteti Evropian i Sindikatave për Arsim (ETUCE), po marrin pjesë përfaqësues nga shumë vende evropiane.
📌 Delegacioni i SBASHK-ut ka zhvilluar një takim të rëndësishëm me Kryetarin e ETUCE-s, John MacGabhann, ku është diskutuar për bllokimin e dialogut social në Kosovë dhe për mundësinë e nënshkrimit të Kontratës Kolektive nga MASHTI.
Diskutimet në këtë tryezë janë përqendruar në temat:
🎓 Rritja e atraktivitetit të profesionit të mësuesisë
🕒 Koha e punës së mësimdhënësve në vendet evropiane
💬 Mirëqenia dhe sfidat e mësimdhënësve
🤝 Forcimi i dialogut social në arsim
SBASHK vazhdon të jetë zë i fuqishëm për mësimdhënësit dhe për të drejtat e punëtorëve të arsimit në Kosovë! 💪📚
