Greva e nisur në arsim ka krijuar një problem të madh tek prindërit, të cilët në ditën e parë u desh të mos shkojnë në punë, në pamundësi të bëjnë zgjidhje për fëmijët e tyre.
Sipas tyre, metoda e zgjedhur për të arritur deri tek qëllimi dëmton më së shumti fëmijët, dhe si pasojë një numër prej tyre kanë nisur kërkimet për ti vendosur të vegjlit në kopshtet private, njofton Klan Kosova.
Ndërkohë, gjatë së enjtes edukatoret janë mbledhur në vendet e tyre të punës për të grevuar, ku u vizituan edhe nga organizatorët që thanë se kjo qe mundësia e fundit për ti realizuar kërkesat e që janë 100 euro deri në Ligjin e Pagave në të cilin duan të përfshihen kërkesat e tyre.
Përveç kopshteve, edhe mësimdhënësit janë mbledhur në shkolla për ta mbështetur grevën.
