SBASHK mbajti testin pas përfundimit të trajnimit për një grup të mësimdhënësve në Drenas

SBASHK ka organizuar të dielën testin për një grup të mësimdhënësve në Drenas, të cilët me sukses e kanë përfunduar trajnimin në programin ”Aplikimi i programeve kompjuterike në mësimdhënie”- moduli II.

Testi u administrua nga Sekretari i përgjithshëm në SBASHK, Ymer Ymeri dhe zyrtarja Afërdita Ahmeti, derisa i pranishëm për ta përcjellë nga afër mbarëvajtjen e testit ishte edhe kryetari i SKAP-it për Drenas, Ilaz Dervishi si dhe trajneri që e udhëhoqi këtë grup të trajnimit, Fejzullah Berisha.

SBASHK vazhdon me trajnime pa pagesë në shërbim të anëtarësisë në të gjitha komunat e Kosovës.