SBASHK fillon me dy grupe të trajnimit për mësimdhënës në Fushë Kosovë dhe Lipjan

SBASHK gjatë këtij vikendi ka filluar me dy grupe të trajnimit për mësimdhënës në dy programe të ndryshme.

Në Fushë-Kosovë filloi një grup i trajnimit në programin ”Forcimi i kapaciteteve për udhëheqje efektive të dialogut social”, i cili po udhëhiqet nga trajneri i përcaktuar nga SBASHK, Safet Beqiri, derisa trajnimi po mbahet në shkollën ”Mihal Grameno”.

Ndërsa në shkollën ‘Ismail Luma” në Lipjan filloi trajnimi për një grup të mësimdhënësve në programin ”Aplikimi i programeve kompjuterike në mësimdhënie”, me trajner Idriz Sopa.

Mësimdhënësit i vizitoi të dielën edhe kryetari i SKAP-it për Lipjan, Emrush Ahmeti.