SBASHK ka organizuar edhe 11 grupe të reja të trajnimit në komuna të ndryshme të Kosovës të cilat do të nisin të shtunën dhe të dielën.
Të shtunën filluan tri grupe të trajnimit në Suharekë në programin ”Aplikimi i programeve kompjuterike në mësimdhënie” me trajnerët e përzgjedhur nga SBASHK: Skender Gashi, Emin Hoxha dhe Bahrije Elshani. Dy grupe tjera do të fillojnë të dielën me po trajnerët Skender Gashi dhe Emin Hoxha.
Në Gjilan filloi një grup i trajnimit në programin ”Aplikimi i programeve kompjuterike në mësimdhënie”, me trajner Xhemail Kastrati, kurse të dielën pritet të fillojë grupi i dytë në po të njëjtin program dhe nga po i njëjti trajner.
Edhe në Ferizaj filluan dy grupe të trajnimit në progranin ”Aplikimi i programeve kompjuterike në mësimdhënie”, me trajnerët e përcaktuar nga SBASHK, Xhemil Halili dhe Arsim Qalaj.
Kurse në Dragash filloi një grup i trajnimit në programin ”Aplikimi i programeve kompjuterike në mësimdhënie”, me trajner Vloran Krasniqi si dhe në Lipjan në po të njëjtin program të trajnimit filloi një grup i mësimdhënësve, me trajner Idriz Sopa.
SBASHK gjatë vikendit do të organizojë edhe testet për dy grupe të mësimdhënësve në Pejë dhe dy grupe në Podujevë, të cilët e kanë përfunduar këtë trajnim me sukses.
https://www.facebook.com/share/1B5VQA1VQN/
