SBASHK filloi të shtunën me katër grupe të reja të trajnimit në programin “Forcimi i kapaciteteve për udhëheqje efektive të dialogut social” në Kaçanik dhe Fushë-Kosovë.
Në Kaçanik SBASHK filloi me tri grupe të trajnimit në programin “Forcimi i kapaciteteve për udhëheqje efektive të dialogut social”, të cilat po i udhëheqin trajnerët e përcaktuar nga SBASHK, Hysen Sogojeva, Emrush Ahmeti dhe Ramadan Gashi.
Me fillimin e trajnimit, mësimdhënësit i vizitoi edhe kryetari i NSKAP-it për Kaçanik, Islam Berisha, i cili u kujdes për mbarëvajtjen e trajnimit dhe u uroi mësimdhënësve arritje sa më të larta profesionale.
Kurse në Fushë-Kosovë filloi një grup i trajnimit në po të njëjtin program “Forcimi i kapaciteteve për udhëheqje efektive të dialogut social” nën udhëheqjen e trajnerit, Blendor Shatri.
Edhe mësimdhënësit e Fushë-Kosovës i vizitoi kryetari i NSKAP-it për këtë komunë, Haki Krasniqi, i cili u kujdes që trajnimi të filloj mbarë.
SBASHK po vazhdon me trajnime edhe në komuna tjera të Kosovës si Dragash, Shtime e Gjilan.
