Të shtunën SBASHK filloi me nëntë grupe të trajnimit në programet “Aplikimi i programeve kompjuterike në mësimdhënie” dhe “Forcimi i kapaciteteve për udhëheqje efektive të dialogut social” në disa komuna të ndryshme të Kosovës, kurse të dielën fillojnë edhe dy grupe tjera.
Trajnimet filluan në Prizren me katër grupe në programin “Aplikimi i programeve kompjuterike në mësimdhënie” me trajnerët e përzgjedhur nga SBASHK: Arton Ajeti, Ermal Ahmetaj, Naser Kastrati dhe Nexhat Maçkaj si dhe një grup në programin “Forcimi i kapaciteteve për udhëheqje efektive të dialogut social” me trajnere Arlinda Lamaj.
Në Podujevë filloi një grup i trajnimit në programin “Aplikimi i programeve kompjuterike në mësimdhënie” me trajner Kadri Hyseni, derisa të dielën pritet të fillojë edhe grupi i dytë i trajnimit në programin e njëjtë dhe me trajnerin e njëjtë të përcaktuar nga SBASHK. Kurse një grup i trajnimit filloi në programin “Forcimi i kapaciteteve për udhëheqje efektive të dialogut social” me trajnere Nora Haliti.
Në Gjilan të shtunën filloi një grup i trajnimit në programin “Aplikimi i programeve kompjuterike në mësimdhënie” me trajnere Ibadete Limani kurse të dielën fillon edhe grupi i dytë në të njëjtin program nga po e njëjta trajnere e përzgjedhur nga SBASHK-u.
Në Gjilan të shtunën u mbajtën edhe testet për mësimdhënësit të cilët e kanë përfunduar këtë trajnim, të cilat u administruan nga nënkryetarja e SBASHK-ut, Vjollca Shala dhe zyrtari ligjor, Blendor Shatri.
Ndërsa në Rahovec të shtunën filloi një grup i trajnimit po ashtu në programin “Aplikimi i programeve kompjuterike në mësimdhënie”, me trajnerin e përzgjedhur nga SBASHK, Skender Gashi.
