SBASHK-u edhe këtë vit vazhdon me akrivitetin tradicional të dërgimit në bregdetin shqiptar të një numri të konsideruar të anëtareve e anëtarëve nga e tërë Kosova.
“Bazuar në mjetet e akumuluara në fondin për pushim dhe rekreacion këtë vit dërgohen 450 pushues në Kompleksin Turistik “Bonita”.
Grupi i parë është nisur sot drejt bregdetit shqiptar për të vazhdur me grupin e dytë më 26 qershor e për ta përmbyllur këtë aktivitet me grupin e tretë më 1 korrik.
Kryetari i komisionit për përgatitjen e këtij aktiviteti, Ymer Ymeri tregon se bazuar në përvojën e viteve të kaluara pushuesit do të kenë përshtypje të shkëlqyera për ambientet e Kompleksit Hotelier ”Bonita” dhe për organizimin e këtij aktiviteti.
Kryetari i SBASHK-ut, Rrahman Jasharaj përgëzon Komisionin përgaditor të këtij aktiviteti duke u shprehur i sigurt se ky aktivitet do të ketë rrjedhë të mbarë dhe se pushuesit me sjelljet e kulturuara do ta ruajnë figurën e punëtorit arsimor.
