Abuzimi seksual ndaj të miturve. Sot në emisionin “Jeto me Orën” u diskutua në një panel nga Avokaten Enida Bozheku, Sevim Arbana Aktiviste për të drejtat e njeriut dhe Eduart Tafa, psikolog klinik lidhur me abuzimin ndaj të miturve.
Avokatja Enida Bozhekuu u shpreh se kodi penal në të tilla raste i dënon maksimumi me 21 vite burgim. Gjithashtu ajo u shpreh se mund të ketë edhe korrupsion seksual me të miturin të cilët këto abuzes i gënjejnë me karamele apo lekë për të abuzuar seksualisht me ata.
Psikologu Klinik Eduart Tafa u shpreh se abuzuesit seksual ndodhen kudo në vende që ka mbipopullim me fëmijë pranë parqeve apo shkollave, ndaj ndërgjegjësimi i fëmijëve duhet të jetë i lartë.
“Triufmi i një pedofili është vetëm kënaqësia, ai nuk mendon çfarë pasojash dhe traumash kalon një i mitur. Inçesti brenda familjes ka një traumë shumë të madhe te fëmijët. Të miturit fillojnë të kenë pagjumësi, frikë, ankthe të cilat ndikojnë shumë tek ata “- u shpreh ai. Aktivistja për të drejtat e njeriut Sevim Arbana u shpreh se familja dhe komuniteti duhet të jenë vigjilentë mbi këtë temë.
Ligji është ai që ndryshon çdo gjë që njerëzit mos të kenë frikë nga këto pedofilë. Arbana tha gjithashtu se harta e pedofilëve është shumë e domosdoshme dhe se ligji është gati thjesht duhet të fillojë të zbatohet.
