Rron Gjinovci: Qeveria është dashur nga janari t’i nisë procedurat për librat

Aktivisti Rron Gjinovci ka deklaruar se Qeveria e Kosovës është dashur t’i nisë procedurat për blerjen e teksteve shkollore, pasi siç tha ai, pritjet nëpër librari po bëhen për shkak të periudhës së shkurtër për furnizim.

Sipas Gjinovcit, kryeministri Albin Kurti dhe ministrja e Arsimit, Arbërie Nagavci, është dashur të gjejnë zgjidhje sa më parë, “e jo të tregojnë kur iu është kujtuar problemi”.

“Prej janarit kur ka mundur të nisë procedura për blerjen e librave, kësaj qeverie iu ka kujtuar në gusht. Kjo Qeveri çdo situatë e bën të duket jonormale. Detyrë e saj (ministres Nagavci) dhe e kryeministrit nuk është të na tregojnë kur iu është kujtuar, por vetëm të zgjidhin problemin”, u shpreh ai.