Aktivisti Rron Gjinovci ka kritikuar qasjen e Këshillit të Prindërve të Kosovës që të mërkurën kërkoi pezullimin e Testeve të arritshmërisë dhe maturës për shkak të kopjimit. Sipas Gjinovcit, me këtë kërkesë, prindërit “nuk e dinë cila është më e mira për të ardhmen e fëmijëve”.
“Prindërit, fëmijët e të cilëve kanë dalë 76 për qind analfabetë funksionalë, besoj janë po ashtu analfabetë funksionalë. S’besoj që e dinë cila është më e mira për të ardhmen e tyre edhe pse presupozohet ta dinë. Këto reagime të papjekura janë shqetësuese. Tregon se fëmijët janë në duar të gabuara, prindi që shqetësohet për emocionet e fëmijës e jo të ardhmen e tij, është problem sepse po e edukon keq. Me siguri janë këso prindër që kanë dëgjuar se s’ka në Finlandë teste. Por s’duan ta kuptojnë se s’jemi Finlandë e as nuk kemi si atje. Tregon se janë pak të përfshirë në jetën e vërtetë të nxënësve”, ka thënë ai në “Konfront” të KTV-së.
Pupovci: Problemi i kopjimit nga nxënësit buron nga mentaliteti i shoqërisë
