Rron Gjinovci: Gjendja në shkolla po shkon duke u bërë edhe më keq

Aktivisti i shoqërisë civile, Rron Gjinovci, ka thënë se 136 vjet pasi është hapur shkolla e parë shqipe, 76 për qind e nxënësve janë analfabetë funksionalë.

Sipas tij, gjendja në shkolla po shkon duke u bërë edhe më keq.

“7 mars 1887 është hapur shkolla e parë shqip. Kanë kaluar plot 136 vjet të arrijmë në stadin ku 76 për qind të nxënësve janë analfabetë funksionalë, në kuptimin që nuk dinë të lexojnë”, ka thënë ai në emsionin Konfront në KTV.

“Në shkolla gjendja është duke u bërë edhe më e keqe se ç’ka qenë në kohën time. Analfabeti i shekullit 21 nuk është më ai personi që nuk di ta shkruajë as emrin e tij, është ai personi që nuk di ta strukturojë një mendim e as ta kuptojë një tekst”, ka thënë ai.