Rreth 500 nxënës në Komunën e Lipjanit janë vaksinuar deri me tash kundër pandemisë COVID-19. Ky proces do të vazhdojë edhe gjatë kësaj jave nëpër shkolla të ndryshme të fshatrave.
Drejtoresha për Shëndetësi në Komunën e Lipjanit, Merita Bytyqi, ka thënë se deri më tash nxënësit u janë përgjigjur pozitivisht thirrjes për vaksinim.
“Deri më tash nuk e kemi pasur asnjë komplikim apo ndonjë efekt anësor. Shpresojmë që kësaj thirrje t’i bashkohen edhe shumë nxënës të tjerë për shëndet më të mirë dhe mirëqenie siç edhe e meritojnë vet ata”, ka thënë Bytyqi, shkruan koha.
Ndërkohë gjatë vaksinimit të nxënësve në shkollën Fillore “17 Shkurti” në fshatin Gllogovc, të hënën ishte e pranishme edhe drejtoresha e Arsimit në Komunën e Lipjanit, Elmaze Behluli. Ajo ka thënë se vaksinimi po vazhdon me rregull, andaj gjatë ditëve në vazhdim do të vazhdojnë edhe nëpër shkolla të tjera.
