Gazetona Online që merret ekskluzivisht me fushën e arsimit, AlbanianEducation.net ka realizuar një intervistë me Sakip Kryeziu, drejtor i shkollës “Isa Boletini”, në qytetin e Rahovecit.
Drejtori Kryeziu në këtë intervistë ka rrëfyer edhe një ngjarje të kohës së paraluftës kur ishte mësimdhënës.
Ai rrëfen se si disa fëmijë të nacionalitetit serb, thyen xhamin e klasës i cili bie një nxënësi pranë kokës, por që fatmirësisht shpëton.
“Janë shumë raste, po e veçoj një: ishim në zhvillim të orës mësimore dhe një moment gjuajnë me gurë nga jashtë disa fëmijë të nacionalitetit serb, thyhet xhami dhe i bie nxënësit në klasë pranë kokës, nxënësi shpëtoi por të gjithë u shqetësuam, gjithashtu edhe unë e ndjeva shqetësimin, arrita që ta evitoj këtë shqetësim me një ndjenjë frymëzimi për trasimin e rrugës sonë kombëtare që të arrijmë të shtrenjtën liri dhe pavarësi duke e shënuar si një sacrifice, u eliminua shqetësimi me një duartrokitje nga nxënësit”.
