E martë, 23 Korrik, 2024

Rrëfimi i Fatmires nga Strellci i Deçanit për luftën në Kosovë merr çmimin e parë në Zvicër

- Advertisement1-

Fatmire Sopa-Zenelaj ka fituar vendin e parë në konkursin në nivel zviceran, në kuadër të festivalit të letërsisë “StadtLesen” që mbahet në gjithë hapësirën gjermanishtfolës.

Fatmire Sopa, punon në Departamentin e Integrimit në komunën Oberriet të kantonit St. Gallen. Në fund të shtatorit ajo ka fituar në Cyrih vendin e parë (për Zvicrën) në konkursin e parë letrar të festivalit ndërkombëtar të letërsisë “StadtLesen”.

- Advertisement -

Ky është një festival i shtrirë në gjithë hapësirën gjermanishtfolëse dhe këtë vit është zhvilluar në 28 qytete të Gjermanisë, Zvicrës dhe Austrisë, shkruan albinfo.ch. Zvicrën në këtë festival masiv e ka përfaqësuar Cyrihu dhe në kuadrin e aktiviteteve të ndryshme të tij, ka qenë edhe konkursi i përmendur letrar.

Në këtë konkurs, pra, në nivel të Zvicrës, ka fituar Fatmire Sopa dhe dy krijuese tjera.

E kontaktuar nga albinfo.ch, Fatmire Sopi na prezantohet shkurtimisht, kështu: Jam nga Strellci i Epërm, komuna e Deçanit. Para se të vija për të jetuar në Zvicër, kam përfunduar Fakultetin Juridik, në Kosovë. Ndërsa në Zvicër kam bërë drejtimin tregtar dhe shkollën për punë si animatore për fëmijë.

Ndërsa lidhur me krijimtarinë e saj letrare ajo shprehet “Deri më tani kam të botuar dy libra: “Ditar në Vargje“ dhe “Në Krahët e Ëndrrës“, që janë libra me poezi. Ndërsa libri i tretë është një roman i bazuar në ngjarje të vërtetë, i shkruar në gjuhën gjermane, i cili ende nuk e ka parë dritën e botimit”.

Gazeta “Tagblatt” e St. Gallenit ia kushton një artikull autores nga Kosova.

Kosovarja jeton në Oberriet prej 13 vitesh, është e martuar dhe ka dy fëmijë. 36-vjeçarja ka ardhur në Zvicër jo për shkak të luftës, por falë dashurisë. E megjithatë, në kokën e saj ka ende përvoja lufte që nuk do t’i harrojë kurrë dhe që ende e shqetësojnë atë, shkruan gazeta, tranmseton albinfo.ch.

- Advertisement -rrrrrrr

Mijëra fëmijë kanë histori të ngjashme

Tani juriste e diplomuar, Fatmirja kishte filluar të shkruante që fëmijë. “Të gjitha tekstet më janë djegur në luftë kur shtëpia jonë qe djegur” thotë Fatmire Sopa. Por shkrimi është ende një pjesë e rëndësishme e jetës së saj. Deri më tani ajo ka shkruar tre libra, dy prej të cilëve janë botuar. Libri i saj i tretë, i cili duhet të dalë në gjermanisht, është gati të botohet.

Tema e konkursit të festivalit “Stadtlesen” ishte “Kapërcimi i kufijve – Arratisja dhe Migrimi”. Në tekstin e saj eponim “Kapërcimi i kufijve”, ajo tregon historinë e Shpresës.
Gjithçka filloi më mars të vitit 1998 kur shpërtheu lufta në Kosovë, e cila ndryshoi papritmas jetën e Shpresës dhe të mijëra fëmijëve të tjerë.

“Kanë kaluar shumë vite, por kujtimet për luftën, torturat, të vdekurit dhe masakrat, ikjen dhe vuajtjet, janë ende të freskëta në mendjen time. Më duket se gjithçka ndodhi dje”, shprehet Fatmirja.

36-vjeçarja përshkruan përvojat e Shpresës në një mënyrë emocionuese, të detajuar dhe mbi të gjitha, pa zbukurime. “Dua ta harroj luftën, dua të mashtroj veten se gjithçka ishte thjesht një makth, por më kot. Sa herë që mbyll sytë, ndiej dorën e mikes time në dorë, dëgjoj zërin e mësuesit dhe të nxënësve të tjerë, dëgjoj zërat dhe britmat e vajzave të dhunuara, dëgjoj zërat e foshnjave që qajnë pandërprerë, Dëgjoj të shtënat me armë që vranë babanë tim, ndiej të ftohtin e marsit dhe shpresën se pranvera do të vijë përsëri ”.

Por pranvera nuk erdhi as për Shpresën dhe as për Fatmire Sopën.

Duhet sensibilizuar botën për dhunën dhe terrorin

“Isha shumë e kënaqur që teksti im u gjet në mesin e tre fituesve të zgjedhur”, thotë ajo. Kur kishte dëgjuar për konkursin, Fatmirja ishte e sigurt që do të merrte pjesë. Është e rëndësishme që përvoja të tilla të luftës të lexohen nga njerëz të tjerë dhe që ngjarjet e tmerrshme të mos harrohen. Ajo vetë e përjetoi luftën me gjithë dhunën dhe terrorin e saj. “Lufta nuk është një lojë, jeta e të gjithëve duhet të respektohet”, thotë Fatmire Sopa.

 

Share

Të fundit

Të tjera nga kategoria

Vetëm 1 në 5 paga në Kosovë konsiderohet si pagë jetese, qeverisë i kërkohet urgjentisht rritja e pagës minimale

Vetëm 1 në 5 paga në Kosovë rezulton se përmbushin kriterin e pagës së...

9-vjeçari nga Prishtina ka nevojë për ndihmën tuaj, vuan nga një sëmundje e rëndë

Nëntë vjeçari nga Prishtina Erion Bytyqi, vuan nga një sëmundje e rënde Dg: D.C.P....

Profesori Milazim Krasniqi me një rrëfim tejet frymëzues: Më 1983 bashkë me Ediben morëm ofertë për të punuar në Zvicër, por nuk u larguam...

Profesori Milazim Krasniqi ka rrëfyer një histori personale që lidhet me karrierën e tij...

E dhimbshme: Doktori i ri kosovar, Jetmir Morina, vdes në një aksident në Zvicër

Kosovari Jetmir Morina nga Topanica e Kamenicës humbi jetën në një aksident në Zvicër. Binte...