Kryetari i SBASHK-ut, Rrahman Jasharaj i shoqëruar nga kryetari i Kuvendit të Sindikatës së Arsimit Parauniversitar për Pejën, Isuf Lajçi kanë vizituar këtë të shtunë në ambientet e shkollës “Tetë Marsi” pjesëmarrësit e tranjnimit për kompjurer.
Kryetari Jasharaj nuk fshehu krenarinë dhe emocionet se po ndodhet në një vatër arsimore në të cilën punoi 32 vjet duke kujtuar se këtu në vitet e rënda të okupimit ishin zhvilluar shumë nga ativitetet në shërbim të realizimit dhe amanetit të gjeneratave për gjuhën shqipe dhe për Kosovën shtet.
Ai pastaj bashkë me kryetarin, Isuf Lajçi kanë përgëzuar trajnerin Burim Krasniqi dhe u janë përgjigjur edhe pyetjeve të pjesëmarrësve në këtë aktivitet të SBASHK-ut në shërbim të anëtarësisë.
Gjatë ditës së shtunë, SBASHK ka organizuar edhe testin me shkrim pas përfundimit të trajnimit në programin “Aplikimi i programeve kompjuterike në mësimdhënie” në Kaçanik, i cili u organizua nga koordinatori për organizim të brendshëm, Ymer Ymeri dhe Nezafete Jakupi. Testi me shkrim për një grup të mësimdhënësve-anëtarë të SBASHK-ut, u mbajt pas përfundimit të trajnimit në këtë program, të udhëhequr nga trajneri, Avni Krasniqi.
