Rrahman Jasharaj thotë se vajza e tij ia zëvendësoi mungesën e nënës

Kryetari i SBASHK-ut, Rrahman Jasharaj ka treguar shumë detaje nga jeta e tij private dhe raportet me fëmijët e tij në intervistën që ka dhënë për emisionin “Kendiv”.

Ai u shpreh se vdekja e nënës së tij ka ndikuar që të zbehen pak lidhjet familjare, por tregoi se me katër fëmijët e tij ka raporte shumë të afërta.

Por, një raport më i veçantë duket të jetë me vajzën, Qëndresën.

“Pas vdekjes së nënës jemi larguar me familjarët edhe pse duhemi, por nuk është më ajo shtylla që themi po shkojmë hatri nënës. Fatmirësisht mungesën e nanës ma ka zëvendësuar bija ime Qëndresa, kur kam telashe këshilla e saj është shumë me vend. Qëndresën e dua shumë më tepër edhe pse i kam katër fëmijë”, ka thënë Jasharaj.