Rrahman Jasharaj: Të hiqet kriteri i përvojës 15 vjeçare te skemat pensionale për mësimdhënësit

Kryetari i SBASHK-ut, Rrahman Jasharaj, ka thënë se, kriteri i përvojës 15 vjeçare duhet të hiqet nga skema pensionale.

Jasharaj tha se po insistohet që te skema pensionale të hiqet kriteri i përvojës 15 vjeçare të punës, pasi kështu po dëmtohen punëtorët e arsimit që u dëbuan dhunshëm nga agresori serb.

“Do të pritet edhe këtë muaj dhe nëse na jepet mundësia e dialogut, ne do të insistojmë që të hiqet edhe afati 8 muaj dhe jemi të interesuar që të hiqet edhe ai kriteri prej 15 vjet te skemat pensionale, pasi, kjo gjë po dëmton sektorët e arsimit, që kanë qenë të dëbuar dhunshëm nga pushtuesit serb dhe atyre po u mohohet e drejta e tyre e pensionit të punës”, ka deklaruar Jasharaj.