Ndonëse arsimi në vend u përballë me grevë disa muajshe në shtator të vitit të kaluar, kryetari i Sindikatës së Bashkuar të Arsimit, Shkencës (SBAShK), Rrahman Jasharaj, po paralajmëron një tjetër “grevë”. Por kësaj radhe, ajo po quhet “grevë e heshtur”.
“Greva e heshtur”, sipas Jasharajt, nënkupton mungesën e vullnetit të mësimdhënësve për shkak të pakënaqësive me Ligjin e Pagave.
Ai ka thënë se mësimdhënësit po humbin kohë duke u munduar ta gjejnë fajtorin për situatën aktuale.
Sipas Jasharajt, pakënaqësia është edhe në institucione tjera. Rreziku tjetër sipas tij është edhe largimi i mësimdhënësve jashtë shtetit. Thotë se mësimdhënësit po e marrin një vit pushim pa pagesë, që nënkupton mundësin e largimit nga shteti.
Ndërsa Jasharaj sot jep këtë paralajmërim, në anën tjetër ministrja e Arsimit, Arbërie Nagavci, ka publikuar një foto në storje në Facebook ku tregon se gjendet në deti në këtë vikend, shkruan Albanian Education.net.
Mbetet të shihet nëse Nagavci do të reagojë ndaj ‘grevës së heshtur’ të paralajmëruar nga Jasharaj.
Ndërsa mësimdhënësit janë ndarë të pakënaqur me Ligjin e ri të Pagave pasi shumë prej tyre kanë përfituar më shumë rreth 50 euro, ajo çka dihet nga premtimet e kryeministrit është se në janar të 2014-tës, vlera e koeficientit do të rritet në 110 euro, nga 105 euro sa u bë me ligjin e ri.
Me koeficient 110 euro mësimdhënësit e shkollave fillore pritet të marrin diku 28 euro më shumë nga janari i vitit të ardhshëm, sigurisht shumë kjo që nuk e rrit fare kuletën e tyre, duke ditur ngritjen enorme të çmimeve. /AlbanianEducation.net/.
