Rrahman Jasharaj paralajmëroi grevë, i reagon deputeti i VV-së: Nuk shkojnë në protesta punëtorët

Deputeti nga radhët e Lëvizjes Vetëvendosje, Mefail Bajqinovci ka reaguar pas paralajmërimit të Rrahman Jasharajt për grevë.

Me anë të një postimi në Facebook, deputeti Bajqinovci ka thënë se punëtorët, sidomos ata të arsimit nuk shkojnë në protesta.

Kjo sepse sipas Bajqinovcit ata e “kanë të instaluar Rrahman Jasharjn e PAN-it në krye”

“Nuk shkojnë në protesta punëtorët, sidomos jo ata të arsimit, kur e kanë të instaluar Rrahman Jasharajn e PAN-it në krye”, shkroi ai.

Ndërkaq, Rrahman Jasharaj ka paralajmëruar grevë në arsim, duke thënë se fajtore e vetme e kësaj greve është Albin Kurti dhe Qeveria e tij.