Kryetari i SBASHK-ut, Rrahman Jasharaj përmes një deklarate të lëshuar për media ka thënë se punëtorët e arsimit duhet ta dinë se Ministrja e Arsimit, Arbëria Nagavci nuk është kurrë zëri i tyre në Qeveri, ani pse siç thotë ai SBASHK-u e kishte lutur ta bënte një gjë të tillë.
Ministrja Nagavci kishte thënë se nga qershori i vitit 2024 do të fillojë testimi i mësimdhënësve që duan licencë të avancuar, derisa kishte theksuar se mësimdhënësit nuk janë kundër këtij testimi, i cili sipas saj do t’u mundësojë avancimin në karrierë apo pagë më të lartë.
Por, kreu i SBASHK-ut, Rrahman Jasharaj thotë se Ministrja thotë do t’i degradojë të gjithë me testin me shkrim për njohuritë që kanë.
Duam avancim, por me marrëveshje dhe pa degradim e nënçmim të gjithë arritjeve tona në gjithë ato vite të studimeve”, ka shkruar ai mes tjerash.
Reagimi i tij i plotë pa ndërhyrje:
Deklaratat e Nagavcit dhe të vërtetat që duhet t’i dinë punëtorët e arsimit
Shumë herë e kam ngritur zërin në mbrojte të punëtorëve të arsimit se e kam ndjerë borxh edhe ndaj atyre më të cilët e kemi mbrojtur arsimim shqip në vitet e 90-ta.
Kam thënë duke u bazuar në zërin e anëtarësisë se ka greva. Kam deklaruar se kurrë sa të ketë SBASHK nuk do të ketë test me shkrim për njohuritë e mësimdhënësve. Kam kërkuar publikisht tani e sa muaj takime me ministren Nagavci për të shpalosur kërkesat e punëtorëve të arsimit, por ajo e mban e vazhdon ta mbaj inatin për grevën dhe nuk pranon takime.
Punëtorët e arsimit duhet të dinë edhe ca të vërteta të tjera nga “miqësia” për ta e Ministres Nagavci.
Ajo kurrë, edhe pse e kishim lutur të bëhet zë i arsimit në Qeveri, nuk e tha as edhe një fjalë për kushtet e punës me shkumës e shpuzë . Ajo kurrë nuk kundërshtoi n ngritjen ironike të koeficientit nga 105 në 1010 euro, që në arsim shton zhgënjimin dhe arsye për ta lënë këtë profesion, ngase rritja është nënçmuese për vetëm 28 euro.
Punëtorët e arsimit duhet ta dinë se Ministrja nuk është zëri i tyre në Qeveri edhe pse SBASHK e kishte lutur vazhdimisht që ta bënte këtë.
Ministrja Nagavci duke e parë se në Këshillin Shtetëror për Licencim nuk mund t’i kalojë planet e saj kundër mësuesve të Kosovës pa u bërë publike e pa u zhvilluar debate udhëzoi bashkëpunëtorët e saj dhe do të tjerë dhe e hoqën nga përbërja e Këshillit Shtetëror të Licencimit të Mësimdhënëse përfaqësuesin e vetëm të tyre, pra SBASHK-un e pse ? Për të bërë eksperimente e për të vendosur çdo gjë kundër punëtorëve të arsimit e pa pasur kush të kundërshtoj e të bëj publike këto angazhime të saj.
Në prillin e vitit të kaluar ishte vendosur të shpallej ftesa për trajnime dhe ishte vendosur që deri atëherë trajnimet që janë në proces të vazhdonin, por zonja Nagavci kishte ndalur këtë mundësi. Një vit e më shumë kaluan dhe ende nuk është saktësuar se cilat trajnime do të licencohen dhe nuk dihet se cilat do të licencohen sepse përfaqësuesi i punëtorëve të arsimit nuk është në Këshillin Shtetëror të Licencimit të Mësimdhënësve.
Nuk është në këtë Këshill sepse i ka penguar zonjës Nagavci e të tjerëve që kanë dashur ta nënçmojnë mësuesin e ta mbajnë nën tensionin e të ashtuquajtur test.
Punëtorë të arsimit, duke ruajtur besimin që kam nga ju dhe duke iu përgjigjur interesimit të shumë medieve, e në pa mundësi që të jem në krye të këtyre deklarimeve për secilën veç për arsye të këtij gripit sezonal, po deklarohem publikisht se nuk kemi as edhe një informatë zyrtare se çfarë po mendon ministrja Nagavci me bashkëpunimin me Shqipërinë, me të cilën Qeveria e ka bashkëpunimin me të keq të mundur dhe me angazhimet duke përmendur edhe testin me shkrim.
Ndoshta, duke joshur me gradimin , e ka plan për t’ju dërguar e për t’ju degraduar të gjithëve me testin me shkrim për njohuritë tuaja.
Ajo po vendos vet pa përfaqësues të SBASHK-ut, të prindërve , të kolegjiumit të drejtorëve , të Asociacionit të Komunave.
Kujdes.
Duam avancim, por me marrëveshje dhe pa degradim e nënçmim të gjithë arritjeve tona në gjithë ato vite të studimeve.
