Kryetari i SBASHK, Rrahman Jasharaj, ka demantuar lajmet se janë tërhequr nga kërkesa kryesore për shtesën prej 100 eurosh.
Jasharaj tha se as BSPK-ja as SBASHKU dhe as shërbyesit civil nuk janë tërhequr nga asnjë kërkesë e bërë publike deri tani.
“Jo, nuk eshte i vertetë lajmi se jemi terhequr nga kërkesa për shumën prej 100 eurosh. E kanë lexuar gabim letrën kthyese, i kam vizuatuar SBASHK dhe ajo që di dhe e them me plot përgjegjësi është se as BSPK-ja e as SBASHKU dhe as shërbyesit civil nuk janë tërhequr nga asnjë kërkesë e bërë publike deri tani dhe as nga kërkesa për 100 euro”
“SBASHK-u ka thënë se përveq asaj shume që e ka ofruar në Pako Qeveria Kurti, kësaj shume ti shtohet edhe përqindja e ngritjes ekonomike për ketë vit dhe përqindja e inflacionit që ka ndodhur këtë vit. Nuk jemi terhequr por e kemi bere nje version të ri, pasi ata po këmbëngulin 50 dhe kësaj 50 i shtohet përqindja e ngritjes ekonomike dhe përqindja e inflacionit dhe shuma besoj do të jetë ajo që është kërkuar edhe në fillim.” tha Jasharaj për “Gazeta Blic”
19:55 – SBASHK’u tërhiqet nga 100 euro, këto janë kërkesat e reja për Qeverinë
Një marrëveshje për ndërprerjen e saj mes Sindikatës së Bashkuar të Arsimit dhe Qeverisë së Kosovës është afër të arrihet.
Sindikata e Bashkuar e Arsimit, Shkencës dhe Kulturës e Kosovës është tërhequr nga kërkesa për 100 euro shtesë për mësimdhënësit deri në zbatimin e Ligjit për Pagat.
Në letrën që Jasharaj ia ka dërguar sot Avokatit të Popullit, ai ka shprehur tërheqjen e SBAShK-ut nga kërkesa për 100 euro, por ka vendosur një kërkesë të re, që nga janari i vitit të ardhshëm, paga e mësimdhënësve të rritet për 10 për qind.
