Rrahman Jasharaj: Kjo Qeveri na ka qitë “shkelmin n’qafë”

Grupi Parlamentar i AAK-së, ka organizuar tryezë diskutimi me temën “Sigurimet shëndetësore dhe skemat sociale në Kosovë”, me ç’rast pjesëmarrës ishin edhe Sindikata të ndryshme në vend.

Kryetari i SBAShK-ut, Rrahman Jasharaj, ka akuzuar Qeverinë se nuk po merret me kërkesat e sindikatave.

“Kjo qeveri që erdh me kompozitet se do të kemi lule dritë, që kemi menduar se është më e afërt me sindikatat pasi e ka programin social, po del se është partia e cila na ka qitë nëse mundet, shkelmin n’qafë”, tha Jasharaj.

“Kërcënimin që e bën kjo parti, edhe ndaj individëve të sindikatës, edhe ndaj sindikatës, e kanë kot, SBAShK-u do të vazhdojë rrugën e vet”, shtoi ai.