Kreu i SBASHK-ut, Rrahman Jasharaj, ka folur së fundmi për pagat jubilare të mësimdhënësve.
Ai ka thënë se mësimdhënësit nuk po i marrin me mirëkuptim, po përmes gjylatave.
“Ne kemi pritur që institucionet e shtetit do të realizojnë jo vetëm këtë kërkesë por edhe kërkesat e tjera të dala nga kontrata nga MASHT-i dhe SBASHK-u, mirëpo në momentin që kjo gjë nuk ka ecur me mirëkuptim, ne i kemi orientuar dhe këshilluar anëtarët e SBASHK-ut, që ata t’i drejtohen gjykatave përmes avokatëve që i kanë zgjedhur vet kuptohet me këshillat e zyrtarit ligjor të SBASHK-ut, pastaj ata janë orientuar vet te avokatët”, ka thënë ai për emisionin Kiks Kosova, shkruan Albanian Education.
“Deri tani mund të ju them me përgjegjësi të plotë, jo vetëm çështjen e pagave jubilare, por edhe për tri pagat përcjellëse dhe të gjitha çështjet tjera që dalin nga kontrata janë realizuar në të gjitha komunat e Kosovës, jo me dialog e mirëkuptim, por përmes gjykatave”, ka deklaruar ai.
