Rrahman Jasharaj: Nuk jemi pajtuar që koeficienti të jetë 105 euro, por askush nuk na ka pyetur

Janë ekzekutuar pagat e punonjësve shtetërorë, për herë të parë sipas koeficientit të ri të pagave të bazuar në ligjin e ri.

Kryetari i SBASHK-ut, Rrahman Jasharaj, para ekzekutimit të paga ka eklaruar se janë pjesërisht të kënaqur.

“Jemi pjesërisht të kënaqur, ngase ne kemi pritur një vlerë krejt tjetër dhe kemi thënë publikisht 120. Një pjesë kur jemi deklaruar për 105 e kanë lexuar se ne jemi pajtuar, mirëpo nuk jemi pajtuar dhe nuk kemi pas se si, sepse askush nuk na ka pyet fare për asnjë shifër”, ka deklaruar Jasharaj.

Kujtojmë se Qeveria e llogariti vlerën e koeficientit 105 euro, kurse vitin tjetër ka thënë se pagat do të llogariten me vlerën e koeficientit 110 euro. (Albanian Education)