Rrahman Jasharaj: E keqja më e madhe vjen pas 20 prillit

Kryetari i SBASHK-ut, Rrahman Jasharaj, thotë se e keqja në arsimin kosovar do të vijë pas 20 prillit.

Ai thotë se qeveria e udhëhequr nga Albin Kurti nuk ka pranuar të dialogojë pavarësisht kërkesave nga ana e tyre.

Jasharaj nuk përjashton mundësinë e protestave.

“Janë kërkesa të shumta, por as një takim nuk ka ndodhur. Fatkeqësia e madhe është se qeveria Kurti ka një qëndrim jashtëzakonisht të keq ndaj sindikatave dhe po ashtu ndaj dialogut. Pra, e keqja më e madhe vjen pas 20 prillit, e kam fjalën për sistemin arsimor por nuk i përjashtojmë as protestat nëse BSPK’ja me Federatat e tjera e sheh një gjë të tillë, qoftë për 1 Maj qoftë për një ditë tjetër, do të jemi pjesë e protestave por me numër jo të madh”, tha Jasharaj për KTV’në.