Kryetari i SBASHK-ut Rrahman Jasharaj pret që kërkesat e tyre të përfshihen në Ligjin e ri të pagave.
Ai ka thënë se nuk po kërkojnë ngritje klasike të pagave, por po kërkojnë ngritje të lehtë të pagave që kalojnë përmes koeficienteve një lëvizje të pagave në sektorin e arsimit deri në universitet.
“Ne nuk po kërkojmë ngritje klasike, por ne insistojmë një ngritje të lehtë të pagave, pra po kërkojmë që përmes koeficienteve, përmes ligjit të ri të ketë një lëvizje të pagave pozitive në sektorin e arsimit nga çerdhet deri në universitet. Nëse kjo nuk ndodhë, atëherë, ky ligj nuk na duhet asgjë. Çka na duhet një ligj, i cili i len pagat këto që janë tani, ata më tepër kur dihet që ka s’ka asnjë lëvizje në ngritje të pagave në katër vitet e fundit dhe në anën tjetër kemi lëvizje të mëdha të ngritjes së çmimeve të artikujve elementarë”, ka shtuar Jasharaj.
