Kryetari i SBASHK-ut, Rrahman Jasharaj, ka deklaruar se arsimi në Kosovë ndodhet në gjendjen më të rëndë që nga paslufta.
Ai ka theksuar se problemi i teksteve shkollore po përsëritet për të tretin vit radhazi, duke bërë që nxënësit të mbeten pa libra në fillim të vitit.
“Ky vit shkollor do të nisë me mungesë të teksteve, sepse MASHT-i po vazhdon me të njëjtin gabim”, u shpreh Jasharaj.
Ai ka kritikuar edhe mungesën e institucioneve funksionale, që sipas tij, i ka lënë sindikatat pa dialog.
“Sot është më keq se kurrë, nuk kemi me kë të flasim e as kujt t’i adresojmë kërkesat”, tha ai.
Në fund, Jasharaj ka krahasuar kushtet e mësimdhënësve me vendet e rajonit, duke theksuar diferencën e madhe në paga.
“Punëtori arsimor në Shqipëri ka pagë 300 euro më të lartë se ai në Kosovë. Për këtë fajin e kanë Kurti e Murati”, përfundoi ai.
