Një prej zërave më të fuqishëm sindikal, i cili për gjatë muajit shtator të këtij viti do të bëhej figurë e padëshiruar për individë të caktuar nga partia në pushtet Lëvizja Vetëvendosje, Rrahman Jasharaj, ndaj të cilit do të fillonin edhe linçimet publike, nuk e ka mohuar mundësinë e rikthimit të grevës në arsim nga janari, si rezultat i mungesës së ligjit të pagave.
Ai për emisionin Expose të Gazeta Blic paralajmëron se nëse nuk ka lëvizje në Ligjin e Pagave dhe mbesin në zero, nuk përjashtohet mundësia e rifillimit të grevës.
“Uroj që qeveria ta ketë ndjerë atë grevë dhe pasojat që i solli ajo dhe uroj që për kohën që ka mbetur janari të na pret me një pjesë të rezultateve, e ai më i madh do të ishte ligji i pagave, në pajtueshmëri me sindikatat, në të kundërtën nëse mbesim në situatë zero anëtarësia do të pyetet prape, cilindo vendim që merr anëtarësia kryesia e SBASHK-ut do ta sjell në jetë dhe do ti qëndrojë në ballë atij vendimi”, tha Jasharaj.
