Rita Selimi, staf i Departamentit të Punës Sociale ka mbrojtur sot doktoraturën me titull “Kosovar Youth Correctional Institutions from the Prospect of Rehabilitation” në Universitetin e Amsterdamit.
Punimi i doktoratës hulumton se si institucionet korrektuese në Kosovë mund të rehabilitojnë efektivisht të miturit e burgosur dhe mënyrat përn reduktimin e recidivizmit, duke theksuar rolin e klimës së grupit, edukimit dhe programeve mbështetëse pas lirimit. Hulumtimi ofron një kornizë të përshtatur kulturalisht për përmirësimin e praktikave rehabilituese dhe formësimin e politikave të drejtësisë për të miturit në Kosovë.
Koleges Rita i urojmë titullin Doktor Shkence duke i dëshiruar shumë suksese në karrierën e saj akademike dhe kontributin e mëtejshëm në fushën e drejtësisë për të miturit dhe punës sociale në Kosovë.
