Kryetari i SBASHK-ut, Rrahman Jasharaj ka thënë se “nuk ka pështymë sa e meriton ta pështyj VV-në”.
Reagimi i Rrahmanaj erdhi pas publikimit të përgjimeve nga Gazeta Nacionale në mes të shefes së Grupit Parlamentar të VV-së mimoza Kusari-Lila dhe Sllavko Simiq të Listës Serbe.
Ai ka thënë se publikimi i përgjimeve nga gazetari Berat Buzhala është heroizëm dhe ai është pishtar që bën dritë në gjithë errësirën e krijuar nga përfaqësues të një pushteti
“Nuk kam pështymë sa e meriton ta pështyj VV-në. Kjo që është duke bërë Berat Buzhala është heroizëm dhe ai është pishtar që bën dritë në gjithë errësirën e krijuar nga përfaqësues të një pushteti që tenton ta shuajë krenarinë për njerëzit e këtij trualli që në udhëheqjen e urtë të Ibrahim Rugovës dhe nën udhëheqjen e emrave krenarë në luftën e lavdishme të UÇK-së e me mbështetjen e miqve të vërtetë realizuan ëndrrën e brezave për liri dhe që Kosova të bëhet shtet. Adem Jashari, Ramush Haradinaj, Hashim Thaçi, Fatmir Limaj dhe gjithë ata eprorë e ushtarë të UÇK-së ia kthyen kahjen historisë bashkë me ne mësuesit e këngëtarët që pendën e këngën e kishim armë në rrugëtimin e kombit për liri.” – ka shkruar Jasharaj.
Përgjimi i Mimozës / Abazi: Kurti dhe Mihali kanë qenë në dijeni për komunikimin e Kusarit me Simiq
Ai tutje ka thënë se kjo parti në pushtet përmes “më të poshtrit në VV” janë munduar ta nxjerrnin si tradhtar që po udhëheq arsimin në një grevë, ajo tutje ka deklaruar se kjo ishte dita më e rënd në jetën e tij.
“Me plot sakrifica për 20 vite ndërtuam shkolla, rrugë, autostrada, ushtri, ligje, stafe profesionale në administratë dhe polici, që meritonin respekt, por që këta që janë tani në pushtet i shanin, i pështyenin e i gjakosnin. Kjo parti në pushtet përmes më të poshtrit në VV u mundua të më nxjerr si tradhtar që po udhëheq arsimin në një grevë. Atë ditë, që ishte më e rënda në jetën time, qava me lot dhe pësova goditje të rëndë në shëndetin tim e ai i paftyrë (Elvis Hoxha i VV-së), siç janë shumica në partinë e tij, doli e kërkoi falje të pjesshme.” – ka shkruar Jasharaj ndër të tjera.
Kreu i SBASHK-ut tutje ka thënë se kjo qeveri nuk ndërtoi asnjë gjë, por rrënoi çdo gjë.
Në reagimin e tij Rrahman Jasharaj tutje ka thënë se pas bisedave të Kusari-Lilës, nuk kanë pështymë aq sa meritojnë më i pështy, por se pështyma e të vërtetës dhe e historisë do bie mbi ta.
“Atëherë edhe heshta ndaj tij dhe ndaj ushtrisë në Facebook, kësaj ushtrie të poshtër të Albinit, por ka Zot dhe e vërteta doli sheshit. Unë dhe shumë nga ne që kemi ngritur zërin kundër kësaj Qeverie, që nuk ndërtoi gjë, por rrënon çdo gjë, e që të paftyrët, që nga qeveria e deri te ushtarët e tyre në Facebook e disa analistë pa as edhe një vlerë njerëzore, që drejtuan pështymë, fyerje e ofendime se jemi me Serbinë, Rusinë e me grupe kriminale, tani pas këtyre bisedave të zonjës Kusari Lila, që i dëgjoi krejt bota, po ua them se as unë e as tërë familja e fisi im bashkë me punëtorët e arsimit nuk kemi pështymë aq sa e meritoni ju, por mbajeni në mend se pështyma e të vërtetës dhe e historisë do bie mbi ju.” – ka përfunduar ai.
