Piktorja nga Ferizaj është bërë e njohur sidomos me muralet e saj.
Në revistën franceze “STREET ART MAGAZINE” me titullin “Les murs du confinement sreet art et covit -19”, në mesin e shumë artistëve nga 50 vende të ndryshme të botës, janë prezantuar edhe disa punime spontane të realizuara gjatë karantinimit nga piktorja shqiptare Lebibe Topalli, transmeton albinfo.ch.
Lebibe Topalli Shabani është e lindur në Ferizaj në vitin 1981. Ajo ka mbaruar studimet për arte pamore në Universitetin e Tetovës ndërsa masterin në arte e ka bërë në Universitetin e Prishtinës. Aktualisht punon si mësimdhënëse në Shkollën e Mesme të Arteve “Çesk Zadeja” në Ferizaj.
Ajo ka bërë shumë ekspozita me pikturat e saj në shumë vende të botës përfshirë edhe Zvicrën. /Albinfo.ch.
