Sezonin e parë, nxënësit dhe mësuesit në shkollat e vendit e kanë mbyllur pa regjistra, ndërkohë që çdo e dhënë për vlerësimin e nxënësve është ruajtur në mënyrë alternative nga arsimtarët.”
Heqja e regjistrave nga shkollat është bërë pasi notat do të hidhen në një sistem të ri elektronik. Grupe të vogla mësuesish kanë nisur trajnimin që i gjithë informacioni i nxënësve, si notat apo vlerësime të tjera, të kalojnë elektronikisht në platformën E-Albania.
“Kur po hyjmë në muajin e katërt nga nisja e vitit të ri arsimor, ende nëpër shkollat në të gjithë Shqipërinë nuk kanë shkuar regjistra.”
Sezoni i parë i shkollës, aktualisht figuron vetëm në këto dokumente të cilat pritet që më pas, të ruhen zyrtarisht duke u shkaktuar një punë e lodhje të dyfishtë mësuesve.
Por çfarë pritet të ndodhë?
Mësuesit në disa shkolla në kryeqytet janë njoftuar se të dhëna do të kalojnë elektornikisht dhe do të aksesohen përmes portalit qeveritar E Albania.
Pavarësisht këtij njoftimi, procesi duket se do përgatitje edhe pse ende nuk ka nisur trajnimi në masë i mësuesve. Aktualisht po punohet nga ministria vetëm me grupe të vogla, e më pas do do të shtrihet në në të gjitha shkollat e vendit.
Bëhet fjalë për ngritjen e një regjistri elektronik që të gjitha të dhënat e nxënësve do të shëprndahen përmes E-Albania, si dëftesat apo edhe notat e përditshme.
Mësohet gjithashtu se edhe prindërve u është kërkuar që të dorëzojnë pranë drejtorive të shkollave dëftesën e një viti më parë të nxënësve për të nisur regjistrimin e tyre.
Ky ndryshim i sistemit vjen menjëherë pas kalimit të regjistrimit të nxënësve përmes ealbania,m proces i cili hasi probleme të vazhdueshme e për pasojë edhe shtyrje të regjistrimit.
Megjithatë mbetet për tu parë, nëse të njëjtat vështirësi mësuesit do ti kenë edhe në këtë shërbim të ri i cili është emëruar si sistemi i menaxhimit të informacionit për arsimin parauniversitar.
