Është një nga nxënëset më të mira të shkollës “Dardania”, vijon mësimet në klasën e V/2. Kjo është Rea Hoxha, e cila së fundmi ka arritur realizuar një arritje të madhe, pasi ka fituar bursë 100% nga International School of Prishtina.
Rea ka javë që bën edhe rolin e prezantueses në Kids of Kosova dhe Albanian Kids Education çka edhe kemi realizuar një intervistë me të për të folur për bursën e arritur dhe synimet që ka.
Një prezantim i shkurtër, emri, mbiemri, klasa, shkolla?
Unë jam Rea Hoxha, nxënëse e klasës V/2 në shkollën Dardania.
Keni fituar një bursë, na tregoni pak më shumë për çka saktësisht?
Po, kam marrë pjesë në garën IQ challenge të mbajtur nga shkolla ISP (International School of Prishtina) dhe kam fituar bursë 100 përqind.
Cilat janë synimet tuaja? Në çfarë profesioni e shihni vetën?
Synimet e mija për të ardhmen janë që të bëhem dizajnjere e modës, pse jo edhe prezantuese.
Ju bëni edhe rolin e prezantueses në Kids of Kosova dhe Albanian Kids Education. Sa po ju duket atraktive dhe si po ndiheni kur po intervistoni shoqet/shoket tuaj?
Në fillim isha pak më e ndrojtur, por me kalimin e kohës filloi të më pelqejë roli i prezantueses dhe tani ndihem shumë mirë kur po shfaqim talenta të rinjë.
Mesazhi juaj për bashkëmoshatarët?
Mesazhi im për bashkëmoshatarët e mi është që të mësojnë, sepse e ardhmja e tyre varet nga përkushtimi që japin. /Kids of Kosova – Albanian Kids Education /
