Nxënësit në Shqipëri, që kanë një ekonomi të dobët, për pasojë kanë dhe rezultate të dobëta në mësime.
Një raport i OECD, nxjerr në pah se 82% e nxënësve nuk kishin nota të kënaqshme, sidomos në matematikë.
“Kanë më pak besim tek shkolla, janë më pak të motivuar për të ecur përpara, kanë pamundësi për të plotësuar boshllëqe në mësime, nuk marrin pjesë në aktivitete jashtëshkollore. Tregon se tek ata ka humbur besimi, motivi për të mësuar dhe këmbëngulja për të dalë me çdo kusht nga varfëria. Ka familje të varfra që arsimin e kanë si drita në fund të tunelit”, tha sociologia Entela Binjaku.
Nutricionistët thonë se grupmosha më e prekur është ajo deri më 15 vjeç. Kequshqyerja ndikon në zhvillimin e tyre, duke sjellë dhe një përqëndrim më të ulët në mësime.
“Ushqyerja ka një rëndësi shumë të madhe dhe nënushqyerja ndikon në aspektin nervor, performancën në shkollë, motorrike dhe atletike, janë të më pafuqishëm, nënushqyerja ndikon në boshin hormonal, ne ndikojmë tek hormoni i rritjes. Fëmijët nuk ushqehen sa duhet sidomos në pjesën e parë të ditës, ku mëngjesi apo mesvakti janë kryesore për të rritur performarcën në mësime”, tha Matina Cobo, nutricioniste.
Vendi ynë ka përqindjen më të lartë në Rajon dhe Europë, për nxënës të varfër.
