Mësimdhënësi i biologjisë në SHMU 2, Ramiz Parduzi, i cili tashmë është shpallur Mësimdhënësi i Vitit në shkollën e tij, ka marrë edhe titullin “Mësimdhënësi më i Dalluar i Vitit” në komunën e Vushtrrisë, shkruan AlbanianEducation.net.
Ky vlerësim e vendos atë gjithashtu si kandidat për çmimin e lartë “Shaban Jashari” në nivel republikan, një ndër njohjet më të rëndësishme për mësimdhënësit në Kosovë.
Shkolla e përshkruan këtë sukses si dëshmi të përkushtimit, profesionalizmit dhe kontributit të tij të çmuar në edukimin dhe formimin e gjeneratave të reja.
“Jemi krenarë që Ramiz Parduzi është pjesë e stafit tonë. Kjo njohje tregon punën e palodhshme dhe pasionin që ai sjell çdo ditë në mësimdhënie,” thuhet në njoftimin zyrtar të shkollës.
Njoftimi i plotë:
Mësimdhënësi i biologjisë , Ramiz Parduzi, i cili është shpallur Mësimdhënësi i Vitit në shkollën tonë, sot është vlerësuar edhe Mësimdhënësi më i Dalluar i Vitit në nivel komune.
Për më tepër, ai është kandidat i nominuar për çmimin prestigjioz “Shaban Jashari” në nivel republikan, një ndër vlerësimet më të larta për mësimdhënësit në Kosovë.
Ky sukses është dëshmi e përkushtimit, profesionalizmit dhe kontributit të tij të çmuar në edukimin dhe formimin e gjeneratave të reja.
Urime të përzemërta për këtë arritje të merituar! I urojmë suksese të mëtejshme dhe jemi krenarë që e kemi pjesë të stafit të shkollës sonë.
