Avokati Tomë Gashi ka thënë se Qeveria ka pasur të drejtë kur nuk i ka ekzekutuar pagat për mësimdhënësit, njëjtë siç pati të drejtë sot që i ekzekutoi ato.
“Qeveria ka pasur të drejtë edhe kur nuk i ka ekzekutuar , ka të drejtë edhe tash. Nuk e ka shkelur ligjin, arsyeja është se ata kanë me punu për këto orë që nuk i kanë humbur”, tha Gashi në Edicionin Special të Klan Kosova.
“Qeveria nuk ka gabuar as kur nuk i ka paguar, por nuk po gabon as sot që po i paguan arsimtarët”, shtoi ai.
Tutje Gashi tha se nuk beson që ka mësimdhënës “kaq të pashpirtë”, që të mos i zëvendësojnë orët e humbura.
“Qeveria do e kishte shkelur ligjin nëse do i kishte paguar dhe nuk do ishte kërkesa që zëvendësohen orët e humbura. Nuk ma merr mendja se ne mund të kemi mësimdhënës kaq të pashpirtë, të cilët thonë: ‘Një pjesë të orëve që kanë humbur për shkak të grevës, ne nuk do t’i mbajmë’”, tha Gashi.
