PUSHIMET: 59% e mësimdhënësve thonë se nuk do të shkojnë në deti, 29% në Shqipëri, 8% në Turqi, kurse nga 2% në Mal të Zi e Greqi

Këto ditë në Kosovë e Shqipëri janë tejet të nxehta, ku temperaturat po shkojnë afër 40 gradë celsius.

Dhe për t’u freskuar sadopak qytetarët përveç pishinave, po shkojnë edhe në deti.

Por jo të gjithë qytetarët e kanë mundësinë financiare që të shkojnë jashtë vendit për pushime, qoftë në plazhet e bukura shqiptare, në Mal të Zi apo në ndonjë shtet tjetër.

AlbanianEducation.net ka realizuar një anketë me lexuesit e saj, ku ka parashtruar një pyetje konkrete për mësimdhënësit: Ku do t’i kaloni pushimet verore?

59% janë përgjigjur se nuk do të shkojnë në pushime, 29% janë përgjigjur se do të shkojnë për pushime në Shqipëri, 8% janë deklaruar se do të shkojnë për pushime në Turqi, 2% në Mal të Zi dhe 2% në Greqi.