Pupovci: Vlerësimi i mësimdhënësve është i paraparë edhe me ligj

Zëvendësministri i Arsimit, Dukagjin Pupovci, ka folur lidhur me testimin e mësimdhënësve.

Ai thotë se të gjithë mësimdhënësit duhet të duhet të marrin licencën bazë, të cilët mund ta mbajnë përmes vlerësimeve të rregullta që bëhen gjatë punës së tyre.

“Vlerësimi i mësimdhënësve është i paraparë edhe me ligj edhe janë duke u bërë ndryshime në legjislacion, mirëpo nuk nënkuptohet që ai vlerësim do të jetë vlerësim në formë të testit”.

“Sa i përket vlerësimit ideja është që të gjithë mësimdhënësit marrin licencën bazë dhe të mund ta mbajnë përmes atyre vlerësimeve të rregullta që bëhen në punë. Ndërsa nëse kërkojnë licencë të avancuar atëherë zbatohen metoda të veçanta të vlerësimit që ende nuk janë vendosur”, tha ai për EO.