Pupovci: Licencë bazë për të gjithë mësimdhënësit, duhet ta mbajnë përmes vlerësimeve të rregullta

Zëvendësministri i Arsimit, Dukagjin Pupovci ka bërë të ditur se vlerësimi i mësimdhënësve është i paraparë edhe me ligj.

Sipas tij, të gjithë mësimdhënësit duhet të duhet të marrin licencën bazë, por që nuk do të vlerësohen në formë të testit.

“Vlerësimi i mësimdhënësve është i paraparë edhe me ligj edhe janë duke u bërë ndryshime në legjislacion, mirëpo nuk nënkuptohet që ai vlerësim do të jetë vlerësim në formë të testit”, tha ai për EO.

“Sa i përket vlerësimit ideja është që të gjithë mësimdhënësit marrin licencën bazë dhe të mund ta mbajnë përmes atyre vlerësimeve të rregullta që bëhen në punë. Ndërsa nëse kërkojnë licencë të avancuar atëherë zbatohen metoda të veçanta të vlerësimit që ende nuk janë vendosur”, tha ai.