Z.ministri i Arsimit, Dukagjin Pupovci në një intervistë për Albanian Kids Education ka folur edhe për ligjin e pagave.
Ai ka pranuar se janë vonuar në miratimin e këtij ligji.
“Më duhet të pranoj se edhe ne kemi pritur që Projektligji i pagave të përfundojë më herët, por, në rastin konkret, vonesat janë rezultat i kompleksitetit të problematikës pasi bëhet fjalë për një Projektligj që rregullon pagat në gjithë sektorin publik. Sidoqoftë, ne i kemi diskutuar koeficientët me SBASHK-un dhe i kemi bërë propozimet tona që, besoj, do të merren parasysh. Edhe pse është e parakohshme të flasim për vlerën monetare të koeficinetit, jam i bindur se Ligji i ri do të sjellë rritjen e pagave në arsim”, ka deklaruar Pupovci për Albanian Kids Education.
INTERVISTË| Zv.ministri Dukagjin Pupovci: Ligji i ri do të sjellë rritjen e pagave në arsim
