Agjencia e Sigurimit të Cilësisë së Arsimit Parauniversitar në Shqipëri ka njoftuar se janë publikuar programet lëndore të përditësuara për klasat 1, 6 dhe 10, shkruan AlbanianEducation.net.
Këto programe do të nisin zbatimin në vitin shkollor 2026–2027.
Kjo Agjenci thotë se këto programe do të përfaqësojnë një hap të rëndësishëm drejt përmirësimit të cilësisë së mësimdhënies dhe të nxënit në arsimin parauniversitar.🎓📚
Njoftimi i plotë:
Programet lëndore të përditësuara për klasat 1, 6 dhe 10 tashmë janë publikuar dhe mund t’i gjeni në linkun më poshtë:
https://www.ascap.edu.al/kurrikula-e-perditesuar-2025/
Këto programe do të nisin zbatimin në vitin shkollor 2026–2027 dhe përfaqësojnë një hap të rëndësishëm drejt përmirësimit të cilësisë së mësimdhënies dhe të nxënit në arsimin parauniversitar.🎓📚
Ju ftojmë t’i shkarkoni, t’i studioni me kujdes dhe të njiheni me risitë, qasjet dhe orientimet e reja që ato sjellin për praktikën tuaj profesionale.
Trajnimet që zhvillohen në kuadër të Programit Kombëtar për Zhvillimin Profesional të Mësuesve (PKZHM), nga universitetet në të gjithë vendin, janë fokusuar pikërisht në këto programe të përditësuara. Për këtë arsye, pjesëmarrja aktive e çdo mësuesi në trajnim është thelbësore për një zbatim të suksesshëm dhe korrekt në klasë.
Të përgatitemi së bashku për një vit shkollor me më shumë cilësi, profesionalizëm dhe mundësi për çdo nxënës!
