Të kesh më pak ose aspak miq ndonjëherë mund të të lejojë të jesh më pranë me veten tënde dhe t’i përjetosh gjërat siç i sheh vërtet.
Është një fakt i njohur që miqtë janë të rëndësishëm për lumturinë tonë. Por studimet e fundit sugjerojnë që të qenit josocial nuk është diçka për të cilën duhet të shqetësohemi, sepse të kalosh më shumë kohë vetëm në të vërtetë sjell më shumë përfitime, transmeton lajmi.net.
“Bright Side” ka listuar të mirat që do të përfitoni sipas shkencës, nëse kaloni më shumë kohë me veten.
Kalimi i kohës vetëm mund të rrisë kreativitetin.
Ndërveprimi i vazhdueshëm me dikë mund të shpërqendrojë mendimet tuaja dhe të pengojë përpjekjet për të krijuar ide të reja. Nga ana tjetër, kur kaloni kohë vetëm, krijimtaria do të lulëzojë dhe imagjinata juaj do të rritet. Kjo ju ndihmon të rregulloni zhurmën në sfond dhe ju bën më të vetëdijshëm për mendimet tuaja.
Ju ndihmon t’i shihni gjërat ndryshe.
Kalimi i kohës me njerëzit e tjerë mund të nxjerrë në pah tiparet e ndryshme të personalitetit tuaj. Dhe megjithëse pasqyrimi i sjelljes së dikujt mund t’ju ndihmojë të lidheni me miqtë, kjo mund të ndryshojë disi vetëdijen tuaj.
Ndonjëherë, në mënyrë që t’i bëni miqtë të ndihen më rehat, mund të harroni të mendoni ose të kujdeseni për nevojat dhe ndjenjat tuaja. Në këto momente, do të jetë më e vështirë që t’i shihni gjërat nga një këndvështrim tjetër.
Të kesh më pak ose aspak miq ndonjëherë mund të të lejojë të jesh më pranë me veten tënde dhe t’i përjetosh gjërat siç i sheh vërtet.
Të mbash një shoqëri me forcë nuk do t’ju sjellë asnjë lloj përfitimi.
Ndjenja e presionit për të bërë miq me njerëz me të cilët nuk keni shumë gjëra të përbashkëta dhe që nuk interesohen për nevojat dhe interesat tuaja, mund t’ju bëjë të shqetësoheni. Shoqërimi i detyruar do të thotë që të humbni kohë të vlefshme që mund ta kalonit vetëm me veten.
Mos shpenzimi i një kohe cilësore me veten shpesh mund ta bëjë të vështirë të dini saktësisht se çfarë dëshironi në jetë.
