Ato pak fëmijë që kanë mbetur në fshatin Kolosh të njësisë administrative Zapod në bashkinë e Kukësit, nuk kanë mundësi as të ndjekin shkollën.
10 ditë nga nisja e viti tëri shkollor, këta fëmijë ende nuk kanë bërë as një orë mësim, pasi janë të pamundur për të shkuar në shkollë, e cila ndodhet në fshatin Orgjost, mbi një orë në këmbë në vajtje dhe po aq në kthim.
Prindërit tregojnë se janë të pasigurt që t’i çojnë fëmijët në këmbë, për shkak edhe të terrenit dhe kafshëve të egra e ndërsa janë të pamundur të paguajnë vetë transportin.
Pridnërit kanë paralajmëruar se do të detyrohen të bllokojnë rrugën nëse zyra arsimore e Kukësit nuk u jep zgjidhje për transportin e fëmijëve të tyre.
Situata të ngjashme raportohen edhe në fshatra të tjerë të Kukësit, ku mungesa e infrastrukturës dhe transportit po kthehen në pengesën kryesore për të drejtën e arsimimit për nxënësit. (A2 Televizion)
