Drejtoria e Arsimit në Gjakovë ka njoftuar se të gjitha shkollat janë bërë me psikolog, shkruan AlbanianEducation.net.
Kjo drejtori thotë se psikologët e shkollave ndihmojnë në krijimin e shkollave të sigurta dhe ambienteve pozitive, të cilat ndihmojnë në të mësuarit dhe sjelljen e nxënësve.
Njoftimi i plotë i Drejtorisë së Arsimit:
Një ndër projektet më të suksesshme të Drejtorisë së Arsimit është edhe përfshierja e të gjitha shkollave me psikolog.
Aktualisht ne e kemi këtë mbulueshmëri:
✅️ të gjitha shkollat fillore në qytet
✅️ të gjitha shkollat e mesme të ulta në qytet
✅️ të gjitha shkollat e mesme në qytet
✅️ shkollat e rajonit të Dushkajës
✅️ shkollat e rajonit të Rekës së Mirë
✅️ shkollat e rajonit të Hasit.
Psikologët e shkollave ndihmojnë në krijimin e shkollave të sigurta dhe ambienteve pozitive, të cilat ndihmojnë në të mësuarit dhe sjelljen e nxënësve.
Dhuna në shkollë mund të ndodh brenda dhe jashtë territorit të shkollave, pra është një sjellje e paparashikueshme por e menaxhueshme.
Për Drejtorinë e Arsimit puna e psikologëve është një ndërhyrje për të promovuar një mjedis mësimi të sigurtë dhe gjithëpërfshirës.
